‫الرئيسية‬ اخبار الفرع رسالة لاهل بلدى
اخبار الفرع - الواجهة - 24 أبريل، 2016

رسالة لاهل بلدى

13076609_1397158580310194_3865266340519459917_n

رسالة من وكيل الوزارة / الدكتور مجدى العشرى

حبوا مصر..حبوا مصر..
مش مهم انكم تحبوا حد بعينه…مصر فوق الاشخاص
اى هدم لامان مصر هو هدم لامان اهلنا وولادنا وضياع مستقبلهم
اى هدم لامان مصر هو هدم لاقتصاد مصر وبالتالى عائلات فقيرة مش حيعرفوا يعيشوا ولا ياكلوا ولا يلبسوا…حرام علينا كلنا
اى هدم لامان مصر هو هدم للبنية التحتية اللى كلفتنا انا وانت واهالينا مليارات احنا اولى بيها
اى هدم لامان مصر هو هدم اكتر للتعليم والصحة اللى بنحاول اننا نصلحهم ونبنيهم من جديد
اى هدم لامان مصر هو هدم اكتر للقانون اللى برضه بنحاول نصلحه..!!
اى هدم لامان مصر هو انكسار لنا كلنا ولكرامتنا وعدم احترامنا لبعضنا
اى هدم لمصر هو تقسيم للمكان والناس وانتصار للايدولوجيات الفاشلة المسممة اللى ملهاش اساس
اى هدم لامان مصر هو صورة أسوأ من اخوانا السوريين والليبين وغيرهم اللى احنا فى اشد الحزن عليهم
اى هدم لامان مصر هو هدم لهذه الامة كلها وانتصار للعالم الخارجى صاحب الاجندة فى هذا الهدم

احنا جربنا الثورات والجمعات والسبتات وابونا السقا مات..!!
ايه اللى اخدناه وايه اللى بناخده غير الروجوع للخلف ونبدأ من تانى من اول السطر…بس صدقونى فى مرة مش حنلاقى السطر نفسه

خلينا نصلح مصر بالعقل والمنطق والعلم والاصول
خلينا نبنى كرامة الانسان المصرى بالهدوء والحكمة والحب والاحترام المتبادل

فى سلبيات فى مصر..!؟ طبعا ..هو فى بلد من غير سلبيات..!!
انا اتغربت كتير وعشت فى بلاد كتير…والله كل مكان فى العالم فيه سلبيات..ليست هناك جنة فوق الارض..!
عندنا سلبيات اكتر..!! صحيح..بس عشان احنا عندنا ناس وحشين اكتر
“ان الله لا يغير ما بقوم حتى يغيروا ما باانفسهم”
خلونا نشتغل ونخلص فى العمل و نؤدى حقوق الناس والله و حنبقى حاجة حلوة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

‫شاهد أيضًا‬

زيارة من هيئة الإعتماد والرقابة الصحية للمجمع الطبى

إستقبل الدكتور رائف يوسف مدير عام فرع الغربية للتأمين الصحى والدكتور حلمى أغا مسئول المستش…